Unha moza alemá de 24 anos de idade faleceu na tarde deste luns na Praia de Palma tras precipitarse desde a planta número 12 dun hotel, polo que se converte na oitava vítima mortal deste ano por esta causa en Mallorca. A Policía Nacional informou de que se fixo cargo da investigación deste suceso que tivo lugar ás sete da tarde. As circunstancias deste accidente están a investigarse, sinalaron fontes policiais.
Este suceso ten lugar despois de que unha moza de 18 anos resultara ferida de gravidade esta pasada madrugada tras precipitarse desde unha altura dun terceiro piso nun establecemento turístico de Palmanova, no municipio mallorquino de Calvià. A ferida foi trasladada en ambulancia ao Hospital Son Espases en estado grave, informou o 061. O suceso, que está a ser investigado pola Garda Civil, ocorreu ao redor das 5.50 horas da madrugada na rúa Germans Moncada.
No que vai de verán xa faleceron en Mallorca oito mozos, contando coa turista alemá deste luns, tras precipitarse desde unha eleva altura en diversas circunstancias, case todas relacionadas co consumo de alcol.
