Un home de 85 anos, veciño de Plasencia, en Cáceres, morreu a consecuencia dun golpe que outro home lle propinou na cabeza cun bastón no transcurso dunha discusión ocorrida nunha farmacia da capital do Jerte.
Os feitos tiveron lugar o pasado día 6, cando ambos os homes se atopaban nunha farmacia e iniciaron unha rifa, momento no que o ancián recibiu un golpe na cabeza cunha cachaba.
Este foi trasladado en primeiro lugar ao Hospital Virxe do Porto de Plasencia e posteriormente foi derivado ao Hospital San Pedro de Alcántara de Cáceres, onde faleceu o pasado luns, día 18.
Segundo indicaron este xoves a Efe fontes da Subdelegación do Goberno en Cáceres, o ancián faleceu por mor das lesións que recibiu o día 6 de febreiro.
O autor da agresión foi detido o mesmo día 6 e posto a disposición da autoridade xudicial, que lle impuxo unha orde de afastamento.
