Os últimos datos recollidos polas estacións do Instituto Xeolóxico Nacional na illa de El Hierro suxiren que hai unha erupción submarina en marcha a uns 2.000 metros de profundidade, no mar das Calmas, informaron a Efe fontes do equipo do CSIC na illa.
El Hierro sufriu desde mediados de xullo ao redor de 9.600 movementos sísmicos provocados pola actividade do magma en subsolo da illa, o máis forte deles na noite do pasado sábado, que alcanzou unha magnitude de 4,3 graos na escala de Richter.
De confirmarse esta erupción, sería a primeira da que se ten constancia en España desde 1971, cando emerxeu o volcán Teneguía na illa da Palma, tamén en Canarias.
