Os funcionarios da Administración Xeral do Estado e do Ministerio de Xustiza recuperarán na nómina de abril o 50% da paga extraordinaria que quedaba pendente de cobrar desde que fose suprimida en Nadal de 2012, segundo informaron este martes a Efe fontes de CSIF.
O sindicato, que recibiu a información da dirección xeral de Función Pública, expresou a súa satisfacción pola medida, aínda que esixiu que se estenda aos empregados públicos de todas as comunidades autónomas e dos concellos que seguen sen cobrar esta paga, eliminada dentro dos recortes que acometeu o Goberno en plena crise.
CSI-F recorda que a recuperación desta cantidade supón o cumprimento dun compromiso e responde á intensificación das súas xestións ante o Ministerio de Facenda en favor dos empregados públicos.
Os funcionarios do Estado recuperarán este mes o 50% da extra de 2012
Facenda confirmou a CSIF que na próxima nómina recibirán o que quedaba pendente de cobrar da paga suprimida