De acordo con informacións difundidas pola propia Garda Civil, o rescate foi realizado pola Unidade Especial de Montaña, pertencente ao Servizo de Montaña do corpo. Trátase dunha unidade superespecializada nos rescates máis complicados en alta montaña, escalada e barrancos. Está formada por 1 Brigada e 6 gardas civís que á súa vez son instrutores de montaña. Teñen a súa base operativa no Servizo de Montaña da Garda Civil en Jaca, Huesca.
O equipo que realizou o rescate en Marrocos estaba formado pola brigada e 3 gardas civís. Desprazáronse ao lugar o pasado domingo 5 de abril nun avión do Corpo Nacional de Policía, sempre segundo o relato do corpo. Chegaron ao campamento basee sobre as 18.30 horas e de aí desprazáronse á zona onde estaban os accidentados, tras media hora de marcha. Unha vez na zona inician a instalación das cordas para progresar pola parede de 400 metros no canón.
O rescate durou 26 horas, nas que traballaron ininterrompidamente estes 4 gardas civís ata conseguir sacar as padiolas cos dous corpos dos falecidos do canón, sobre as 21 horas do luns día 6 de abril. Ao día seguinte, o martes, procedeuse á evacuación dos corpos cun helicóptero marroquí, acción na que tamén participou o equipo de Garda Civil.
A Garda Civil difunde o vídeo do rescate dos montañeiros en Marrocos
A operación, realizada pola Unidade Especial de Montaña, durou 26 horas, nas que catro axentes traballaron ininterrompidamente ata conseguir sacar do canón as padiolas cos dous corpos