España segue en risco alto na pandemia tras Semana Santa, período no que aumentou a incidencia acumulada ata situarse este luns en 163,4 casos por cada 100.000 habitantes nos últimos 14 días. Son case 12 puntos máis que o sábado. Tamén se rexistrou unha lixeira repunta da ocupación nas ucis, que se sitúa no 19,6%.
O Ministerio de Sanidade sumou ao seu balance 10.360 novos casos de coronavirus desde o sábado —o domingo non se publicaron datos—, dos que 2.247 foron diagnosticados nas últimas 24 horas. Ata a data, en España xa se contaxiaron 3.311.325 persoas. Este luns tamén se notificaron 85 mortes máis, co que a cifra global de falecidos con coronavirus en España desde o inicio da pandemia elévase a 75.783.
Actualmente hai 8.944 pacientes ingresados con covid-19 en toda España e 1.925 nunha Uci, despois de que nas últimas 24 horas se rexistrasen 931 ingresos e 437 altas. Así as cousas, as persoas con coronavirus ocupan un 7,49% de todas as camas hospitalarias e un 19,65% das que hai en coidados intensivos.
As comunidades con taxas de incidencia do covid máis elevadas son Navarra (352 casos por cada 100.000 habitantes), Madrid (272,7) e País Vasco (271,9). Galicia está en 66,66.
As comunidades administraron máis de 400.000 doses das vacinas contra o coronavirus desde o Xoves Santo
VACINACIÓN. "Se se manteñen as medidas de precaución, continúa o ritmo de vacinación e chegan as vacinas acordadas, é posible que cheguemos ao obxectivo do 70% das persoas vacinadas no verán", dixo este luns o director do Centro de Coordinación de Alertas e Urxencias Sanitarias, Fernando Simón, quen asegurou que España ten capacidade para administrar máis de dous millóns de vacinas semanais".
As comunidades autónomas españolas administraron 401.539 doses desde o pasado xoves Santo, segundo os datos do último informe do Ministerio de Sanidade. De media administráronse durante os festivos da Semana Santa unhas 100.000 vacinas ao día, fronte ás máis de 306.000 que se inocularon o pasado mércores, día que se alcanzou o máximo en España.
O total de doses administradas desde o inicio da campaña en España ascende a 8.743.694. O número de persoas que xa están inmunizadas coa pauta completa é
