Un home británico, unha muller cubana residente en España, xunto con dúas nenas, unha delas de apenas unhas semanas, foron atopados este luns mortos con feridas de arma branca nun apartamento de aluguer en Xibraltar, segundo informaron a Efe fontes policiais.
Os falecidos son unha familia británica que, ao parecer, levaba un tempo en España e que chegara hai uns días a Xibraltar. Os corpos foron achados en Boschetti's steps, unha rúa lindeira a rúa Gobernador.
O comisionado da Royal Gibraltar Police, confirmou que dos dous corpos adultos que se acharon, un deles corresponde a un home de 31 anos, de nacionalidade británica, mentres que o outro é o dunha muller española, de 37 anos. Esas mesmas fontes confirmaron tamén que no mesmo lugar do crime atopáronse outros dous corpos, esta vez de dous menores. O primeiro pertence a unha nena duns catro anos de idade, mentres o segundo corresponde ao dun bebé de seis semanas de vida.
En declaracións de testemuñas recollidas polo medio de comunicación GBC News, sobre as once da mañá, un veciño do barrio escoitou como o chamaban a berros fronte á porta. Como non recibiron resposta chamaron á Royal Gibraltar Police (RGP).
Segundo o mesmo medio de comunicación, a rúa foi acordoada pola policía, que se comprometeu a realizar unha "investigación completa" do ocorrido no lugar. A Policía abriu unha investigación para aclarar o sucedido. Polo momento, os primeiros indicios apuntan a que o responsable das catro mortes podería ser o home británico.
Achan a unha parella e dúas nenas asasinados nunha vivenda en Xibraltar
As catro vítimas eran membros da mesma familia. Apareceron sen vida nun apartamento da cidade, presentaban feridas de arma branca. A Policía investiga o sucedido. Polo momento, os primeiros indicios apunta a que o responsable das catro mortes podería ser o hombre británico
