Guardiola dá unha charla en Lledoners e saúda aos políticos encarcerados

O adestrador do Manchester City, Pep Guardiola, pronunciou este xoves unha charla no cárcere de Lledoners (Barcelona) e puido saudar aos dirixentes políticos encarcerados polo proceso independentista. 

"Grazas Pep Guardiola por mostrar aos presos de Lledoners que o liderado tamén é compromiso social e solidariedade. Por recordarnos que o traballo en equipo non ten límites", expón o presidente de Òmnium, Jordi Cuixart, nun apuntamento na súa conta de Twitter recollido por Europa Press. 

Fontes de Òmnium explicaron que Guardiola acudiu á prisión a dar unha charla no marco das actividades que programa o centro penal e puido saudar aos líderes independentistas, aos que mostrou o seu apoio en máis dunha ocasión.