A ministra portavoz do Goberno, Isabel Celaá, asegurou que queda "absolutamente descartado" que se produza un adianto electoral e que estas eleccións puidesen coincidir coa celebración das andaluzas.
Segundo explicou na rolda de prensa posterior ao Consello de Ministros, o Executivo está a traballar para a cidadanía e esta está "a entender o labor do Goberno para mellorar o seu Estado do benestar".
ANDALUCÍA. O Comité Executivo Nacional de C's decidiu por unanimidade romper o pacto de investidura co PSOE en Andalucía, que permitiu o goberno de Susana Díaz, polos "incumprimentos" do acordo en materia de rexeneración democrática, segundo anunciou este venres o líder da formación na comunidade, Juan Marín.
A decisión, debatida e aprobada estev venres pola executiva nacional en Málaga, foi proposta por Marín tras a "falta de vontade" dos socialistas a acceder a propostas como a supresión dos aforamientos, limitar os altos cargos de libre designación, evitar as portas giratorias ou reformar a lei electoral, incluídas no pacto de investidura que asinaron no 2015.
"A señora Díaz e o PSOE esgotaron a paciencia dos andaluces, tamén a de C's", dixo Marín, quen entende que foi o PSOE o que "rompeu o acordo de investidura".
O Goberno descarta "absolutamente" un adianto electoral
Isabel Celáa defende que a cidadanía "está a entender o labor do Goberno para mellorar o seu Estado do benestar"
