O Consello de Ministros aprobou este martes o establecemento dun subsidio excepcional para os traballadores temporais aos que lles venza o contrato durante o estado de alarma e non teñan dereito a cobrar o paro por non reunir a cotización mínima.
A duración desta axuda será dun mes, ampliable se así se decide, e a súa contía ascenderá ao 80% do Indicador Público de Rendas con Efectos Múltiples (Iprem), uns 430 euros mensuais co Iprem vixente en 2020.
O único requisito que se esixirá para percibir este subsidio é que a duración mínima do contrato que se extingue sexa de polo menos dous meses, excluíndose así as relacións contractuais esporádicas.
Este subsidio de desemprego excepcional será incompatible coa percepción de calquera renda mínima
Con esta medida se equipara aos temporais que non sexan incluídos durante o estado de alarma en expedientes de regulación de emprego temporal (Ertes), pois estes si cobraban prestación, aínda que non reunisen o período de carencia, en virtude da nova regulación para Ertes que aprobou o Goberno para axilizar a súa presentación durante a crise sanitaria provocada polo coronavirus, explicou o vicepresidente segundo do Goberno, Pablo Iglesias, na rolda de prensa posterior ao Consello de Ministros.
O Executivo estableceu a semana pasada medidas para que, en caso
Este subsidio de desemprego excepcional será incompatible coa percepción de calquera renda mínima, renda de inclusión, salario social ou axudas análogas concedidas por calquera Administración Pública, así como con calquera dos subsidios de desemprego existentes.
O Goberno, que introduciu este subsidio nun macro Real Decreto-lei de medidas urxentes para paliar o impacto económico e social do Covid-19, entende que a situación destas persoas debe ser atendida con medidas excepcionais dada a escasa posibilidade de que durante a crise sanitaria atopen outro posto de traballo.
