O ex xuíz da Audiencia Nacional, Baltasar Garzón e outras personalidades dirixiron unha carta aberta ao PSOE ante a súa próxima conferencia política, na que se ofrecen para "derrotar á dereita" que está "a aproveitar a crise para empuxar ao desemprego e á marxinación a amplas capas da sociedade".
Entre os asinantes da carta están, ademais, José Carrillo, reitor da Universidade Complutense, Pilar del Río, presidenta da Fundación José Saramago, empresarios, sindicalistas e ex dirixentes de EU, a quen o secretario xeral dos socialistas, Alfredo Pérez Rubalcaba, agradeceu xa a través de Facebook a súa colaboración.
Os asinantes da misiva defínense como "persoas comprometidas coa esquerda" que queren participar na próxima conferencia política de PSOE, que se celebrará o próximo fin de semana en Madrid.
Aseguran que nesa conferencia terá lugar un debate "positivo e necesario para a maioría da poboación", no que se ofrecen a colaborar para "concretar a nova política e a nova forma de exercela que nos demanda a sociedade".
"É imprescindible, e urxente, reverter a destrución de dereitos que o PP está a executar a través dos recortes", afirma a misiva.
O secretario xeral dos socialistas, Alfredo Pérez Rubalcaba, agradeceu aos autores do texto a súa colaboración, e asegurou que as súas achegas "van enriquecer os debates" da conferencia política.
"Son tempos para a colaboración, a suma e a implicación", escribiu Rubalcaba no seu perfil de Facebook.
Garzón e ex dirixentes de IU participarán na conferencia do PSOE
