O presidente da Xunta e do PPdeG, Alberto Núñez Feijóo, terciou este sábado na controversia xerada pola ausencia do monarca español na entrega en Barcelona de despachos da última promoción de xuíces e proclamou o seu apoio "á democracia, a Constitución e en consecuencia a Felipe VI".
"Un xuíz grita Viva o Rei e un ministro di que se pasou. O Rei di que lle gustou estar nun acto ao que acode anualmente e varios ministros acúsano de manobrar contra o Goberno", escribe o presidente galego este sábado na súa conta de Twitter.
Un juez grita Viva el Rey y un ministro dice que se ha pasado. El Rey dice que le hubiera gustado estar en un acto al que acude anualmente y varios ministros lo acusan de maniobrar contra el Gobierno. Todo mi apoyo a nuestra democracia, Constitución y en consecuencia a Felipe VI
— Alberto Núñez Feijóo (@FeijooGalicia) September 26, 2020
"Todo o meu apoio á nosa democracia, Constitución e en consecuencia a Felipe VI", conclúe o seu tuit Feijóo, despois de que se escoitase a través dun micrófono aberto un "pasáronse tres pobos", tras invitar un dos vogais do Consello Xeral do Poder Xudicial aos presentes a gritar "Viva o Rei!" ao finalizar a entrega de despachos.