A familia de Francisco Franco enterrará ao ditador na cripta da Catedral da Almudena, en Madrid, se finalmente se procede á exhumación do seu cadáver do Val dos Caídos.
Así consta no escrito de alegacións que os netos de Franco presentaron este venres ante o Ministerio de Xustiza no que se opoñen á exhumación do cadáver do seu avó.
Nos doce puntos do documento, a familia expón a "inconstitucionalidade" da modificación da coñecida como lei de Memoria "histórica" pola "inexistencia dunha situación de 'extraordinaria e urxente necesidade'" e así mesmo alega que o Goberno vulnera "o dereito fundamental á intimidade persoal do artigo 18.1 da Constitución".