Pode presumir de que moitos asistentes ás súas presentacións da ‘Desventura de la libertad' (Esfera de los Libros) quedan de pé. E son uns cantos. O novo libro do xornalista Pedro J. Ramírez (Logroño, 1955), que foi director de El Mundo ata o pasado xaneiro, trata sobre o Trienio Liberal español, entre 1820 e 1823.
¿É consciente de que a concorrencia ás súas presentacións débese ao autor máis que ao libro?
Mestúranse as dúas cousas. Se podo usar a miña notoriedade para que se coñeza a Historia, benvido sexa.
A súa xira galega non inclúe Lugo.
Non me invitaron a presentalo, pero teño moita curiosidade. Supoño que o di porque en Lugo estaba o cuartel do xeneral Trasfogueiro, que estaba ao mando dun dos catro grandes exércitos e que foi un traidor á causa liberal...
