Díaz, Calviño e Belarra prometen os seus novos cargos ante Felipe VI

Este mércores fixéronse efectivos os cambios no Goberno tras a saída de Pablo Iglesias
Calviño, Díaz y Belarra. JUAN CARLOS HIDALGO (EFE)
photo_camera Calviño, Díaz e Belarra en Zarzuela. JUAN CARLOS HIDALGO (EFE)

A vicepresidenta segunda do Goberno, Nadia Calviño, a vicepresidenta terceira, Yolanda Díaz, e a ministra de Dereitos Sociais e Axenda 2030, Ione Belarra, prometeron este mércores o seu cargo ante o Rei Felipe VI e sobre a Constitución, completando a reestruturación do Executivo motivada pola saída de Pablo Iglesias.

Con máscaras e gardando a distancia de seguridade, as novas ministras prometeron sobre a Carta Magna e ante a mirada do xefe do Executivo, Pedro Sánchez, e do ministro de Xustiza, Juan Carlos Campo, que acudiu como notario maior do Reino ao acto celebrado no Palacio da Zarzuela. 

A promesa do cargo realizouse sobre un exemplar da Constitución aberto polos artigos 100, 101 e 102, pertencentes ao título cuarto, referido ao Goberno e á Administración, e que establece que os membros do Goberno serán nomeados e separados polo Rei, a proposta do presidente. 

Este mesmo mércores fixéronse efectivos os cambios no Executivo de coalición toda vez estes foron publicados no Boletín Oficial do Estado, que recolle o cesamento de Pablo Iglesias como vicepresidente segundo do Goberno e ministro de Dereitos Sociais e Axenda 2030, así como os nomeamentos de Nadia Calviño e Yolanda Díaz como vicepresidentas segunda e terceira respectivamente, ademais da chegada ao Executivo de Ione Belarra. 

Comentarios