O Consello de Informativos de TVE denunciou unhas supostas ameazas á xornalista Susana Torres, recentemente despedida, por parte do director dos informativos, Pedro Carreño.
Segundo a denuncia, Torres, coordinadora a sección de Nacional do Telediario fin de semana, rexeitaría participar nalgunhas "malas prácticas xornalísticas". Por iso, Carreño díxolle en xullo de 2016 "Isto non o vou a esquecer e valo a pagar", en realición á cobertura da visita do presidente Obama a España, mentres golpeaba unha mesa e en presenza de varias testemuñas.
Tras a súa negativa, Torres foi convocada a varias reunións con membros da Dirección dos Servizos Informativos e foi acusada de "acosar laboralmente" a unha redactora.
O Consello denuncia que a cadea pública acabaría por despedir a Torres a través dunha "trama administrativa". Explica que a profesional foi contratada como interina fai 10 anos para substituír na redacción a Miguel Ángel García, que deixou o posto para acudir como correspondente a Berlín, polo que o seu contrato vinculábase ao deste xornalista. Agora García pasase a ocuparse da correponsalía de Lisboa. O seu contrato interromperíase durante 15 días cando levará a cabo o traslado, un lapso que TVE aproveita para executar o despedimento de Torres.
