O Ministerio de Sanidade contabilizou este mércores 1.772 contaxios diagnosticados nas últimas 24 horas, o 65% deles detectados nas comunidades de Aragón e Madrid, e elevou o total desde o inicio da pandemia a 305.767, case 3.000 máis dos que comunicou este martes.
Así, Aragón encabeza a lista de novos positivos con 614, seguida de Madrid, con 539, mentres que en Cataluña subiron levemente ata os 146, segundo o último balance de Sanidade, que cifra en 28.499 os falecidos con coronavirus en España, 25 deles na última semana.