A Policía Nacional difundiu a través da súa conta de Twitter tres fotografías dunha habitación de unha nena que podería estar a ser vítima de abusos, polo que solicitou colaboración cidadá para identificar ese dormitorio.
"Moi importante. Unha menor podería estar en risco. Por favor mira ben estas fotos e escríbenos a [email protected] se recoñeces esta habitación", dicía a mensaxe lanzada por \policia no seu Twitter. Xunto ao tuit, a Policía difundía tres fotografías dunha habitación infantil, presumiblemente de nena.
Agora, tras ser localizado o dormitorio, as fotografías elimináronse e os axentes agradeceron a colaboración da xente, que permitiu dar coa habitación "en tempo récord".
ÚLTIMA HORA
— Policía Nacional (@policia) January 17, 2022
Vuestros correos electrónicos han permitido identificar la habitación (y en tiempo récord).
MUCHÍSIMAS GRACIAS👏👏👏
Nuestros agentes ya se han puesto en contacto con los familiares de la menor y continúan las investigaciones. pic.twitter.com/sAFpdheVi2
Fontes policiais sinalaron a Efe que se trata dunha investigación aberta de pornografía infantil que segue a unidade da Ciberdelincuencia e que actualmente está xudicializada. De feito, o xulgado autorizou a difusión destas imaxes para intentar impulsar as pescudas da Policía.
OUTRAS COLABORACIÓNS. Non é a primeira vez que a Policía Nacional pide colaboración cidadá a través das súas redes sociais para tratar de avanzar nalgunha investigación.
En 2018, por exemplo, difundiron unha chamada anónima á Cruz Vermella de Madrid que resultou ser clave para esclarecer o crime dun ancián de 81 anos que morreu asfixiado tras ser coas mans atadas e amordazado o 4 de febreiro de 2017 en Santander.
En Alemaña, a policía tamén detivo ao violador dunha nena de catro anos en 2017 vinte e catro horas logo de difundir as fotos da pequena como último recurso para chegar ata o agresor, pois colgara imaxes dos abusos sexuais na chamada "rede escura".