Os Mossos d'Esquadra atoparon na noite do luns o cadáver dunha persoa no maleteiro dun coche nunha área de servizo da LL-11, nun dos accesos á cidade de Lleida.
Segundo confirmou a policía catalá a Efe, foi un veciño da zona próxima ao hotel Condes de Urgel quen alertou á Garda Urbana sobre as 20.00 horas do forte cheiro que saía dun coche.
Unha vez no lugar dos feitos, os Mossos abriron o maleteiro e descubriron o cadáver dunha persoa aparentemente sen signos externos de violencia ou criminalidade, aínda que será a autopsia a que determine as causas da morte.