O humorista Arévalo, aquel cuxas cassettes de chistes de camioneiros, "gangosos, mariquitas e andaluces" vendíanse alá polos oitenta e noventa en gasolineiras de toda España, unirase a un elenco de seis toureiros, entre os que se atopa Ortega Cano para participar no gran acto da coalición de ultradereita Actúa-Vox prepara en Mallorca.
Tras encher hai dúas semanas o Palacio dos Congresos de Vistalegre, en Madrid, para corear consignas contra as comunidades autónomas, os inmigrantes ou as políticas dirixidas a loitar contra a violencia de xénero e a discriminación machista, o partido de Jorge Campos e de Santiago Abascal anuncia unha comida en Lloret para o próximo día 27 en defensa da tauromaquia e da unidade de España.
Xunto a Ortega Cano, a cuadrilla de destros que desfilará por este acto de extrema dereita complétase co Neno da Capea, Vicente Ruíz o Soro, Javier Vázquez, Manolo Méndez e o Campanilla.