O secretario xeral da patronal conserveira Anfaco-Cecopesca, Juan Manuel Vieites, rexistrou este luns a súa candidatura para presidir a Confederación de Empresarios de Galicia (CEG). Fíxoo tras o acordo adoptado polo consello de administración da Confederación de Empresarios de Lugo.
A asemblea xeral electoral da CEG celebrarase o día 21. Este xoves, día 14, finaliza o prazo para presentar as candidaturas, e ao día seguinte celebrarase unha xunta directiva para proclamar as recibidas. A patronal galega non ten presidente desde que José Manuel Díaz Barreiros presentou a súa dimisión ás 48 horas de acceder ao cargo o pasado novembro.
A súa marcha agudizou unha crise xa longa, porque a patronal galega buscaba un presidente desde xaneiro de 2018, cando dimitiu Antón Arias
Juan Manuel Vieites é secretario xeral Anfaco-Cecopesca e vicepresidente da Confederación de Empresarios de Pontevedra (CEP). Doutor en Ciencias Químicas pola Universidade de Santiago de Compostela, acumula unha dilatada traxectoria profesional no sector da conservación de produtos da pesca, a acuicultura e a conserva, así como nas negociacións no ámbito da Unión Europea.
Vieites avanzou o venres pasado que conta co consenso das catro confederacións provinciais, da "empresa familiar", os círculos de empresarios e sectoriais "importantes". O seu principal obxectivo á fronte da CEG é conseguir "a unidade de todo o empresariado galego dunha vez
