viernes. 13.12.2019 |
El tiempo
viernes. 13.12.2019
El tiempo

UXT denuncia que Zara nega a unha empregada "un horario adecuado para coidar o seu fillo"

Protesta para esixir melloras sociais en Zara. ARQUIVO
Protesta para esixir melloras sociais en Zara. ARQUIVO

O sindicato advirte que "xudicializar as reducións de xornada con concreción horaria" pode converterse "nunha constante"

Representantes da sección sindical de UXT de Zara España da provincia da Coruña, xunto con traballadoras, manifestáronse este luns ante os xulgados "ante a negativa de Zara de permitir a conciliación da vida laboral e familiar dunha traballadora". Nun comunicado, asegura que a empresa "négase a darlle un horario adecuado para poder coidar do seu fillo".

"Despois de que a traballadora reducise a súa xornada e solicitase un horario que lle permita coidar do seu fillo, achegando todo tipo de xustificación, a empresa non lle concede o horario", apostila. 

O sindicato afirma que "nunha tenda cun persoal superior aos 100 traballadores, resulta difícil crer que non pode concederlle a unha traballadora horario de mañá pola imposibilidade de que alguén coide o seu fillo pola tarde" e lamenta que "xudicializar as reducións de xornada con concreción horaria" poida converterse "nunha constante". 

UXT denuncia que Zara nega a unha empregada "un horario adecuado...
Comentarios