O grupo PSA e o importador e distribuidor da marca Peugeot en Kenia desde 2010, Urysia, asinaron un contrato para ensamblar vehículos desa marca no país africano a partir de xuño de 2017. En concreto, o acordo, que contempla a produción anual de máis de 1.000 unidades destinadas a cubrir o mercado kenyano, iniciarase coa produción do Peugeot 508, ao que se lle engadirá o novo 3008.
"Estamos orgullosos de que regresen ao noso país", asegurou o presidente de Kenia, Uhuru Kenyatta, en relación á montaxe de modelos Peugeot en Kenia entre 1974 e 2002. Este acordo enmárcase dentro do plan estratéxico de crecemento rendible 'Push to Pass' e materializa o obxectivo da firma automobilística de desenvolverse a nivel internacional.
Pola súa banda, o director da rexión Oriente Medio e África do grupo PSA, Jean-Christophe Quémard, indicou que esta iniciativa responde o reto de alcanzar o millón de unidades vendidas en África para 2025.
PSA ensamblará vehículos da marca Peugeot en Kenia
O acordo contempla a produción anual de máis de 1.000 unidades, destinadas a cubrir o mercado dese país africano
