A empresa de Lugo Miguel Agrícola participa na Feira Internacional Galiforest Abanca 2018, que se celebra no Centro de Sergude, en Boqueixón, situado a só 15 quilómetros de Santiago de Compostela. Este evento, un dos máis importantes do sector, abarca áreas como a maquinaria forestal, produción de madeira, servizos forestais, empresas mixtas de transformación e servizos, industria de primeira transformación, outros aproveitamentos do monte, biomasa e outras enerxías renovables, transporte e vehículos todo terreo, loita contra incendios: prevención e extinción, entre outros segmentos de actividade.
A compañía lucense acode á feira coa súa nova gama de trituradoras e biotrituradoras Windland e Bugnot. Así, realizará demostracións continuas e contará cunha ampla exposición de todas estas novas máquinas.
Miguel Agrícola anima a visitar o seu espazo (Parcela D5) no monte e instalacións do Centro Agroforestal de Sergude.
