As matriculacións de vehículos caeron un 41 % en Galicia no último ano

As matriculacións de coches caeron en Galicia un 41,63 por cento durante o pasado mes de maio (2.720 unidades) en relación co mesmo período do ano pasado, segundo datos das asociacións de fabricantes (Anfac) e de Vendedores (Ganvam).

No conxunto de España, as matriculacións alcanzaron as 78.870 unidades, un 23,3 % por baixo do mesmo mes de 2010.

O resultado de maio conduce a un rexistro de 358.830 matriculacións, cifra que supón un descenso do 25,7 % sobre o período de xaneiro a maio de 2010.

O resto dos grandes mercados tamén acusou fortes retrocesos en maio, aínda que de menor intensidade que o andaluz, cun rexistro negativo do 33,05 % para a Comunidade Valenciana (8.426 unidades) e do 28,91 % para Cataluña (10.707 unidades).

Do total de Comunidades, a da Baleares foi a única con taxa positiva, cun 8,14 % máis, como consecuencia da incidencia que tivo a canle de compra das compañías alquiladoras.

A peor taxa rexistrada en maio foi a de Estremadura, cunha caída do 47,65 % (823 matriculacións), seguida por Castela e León, cun 46,36 % menos (2.328 unidades).

Os datos do mes pasado son extrapolables ao período acumulado de xaneiro a maio, xa que a Comunidade de Madrid é, dos grandes mercados, o que mellor resiste a caída xeral, cun 6,61 % menos, fronte aos fortes índices de retroceso do resto.

O rexistro de matriculacións por Comunidades Autónomas en maio pasado e no período acumulado de xaneiro a maio é o seguinte: