A marca Larsa destacou a revalorización de 4 céntimos o litro do prezo do leite este mes de novembro con respecto ao mesmo período do ano anterior.

Nun comunicado, a empresa destaca que esta subida e o prezo pago ao gandeiro están "por encima dos prezos medios de Galicia", segundo os datos publicados polo Ministerio de Agricultura, Pesca e Alimentación.

"A marca Larsa continúa apoiando e promovendo a gandería de pastoreo sostible, e por iso os contratos que ten asinados cos seus gandeiros incorporan un compoñente variable que permite subir o prezo que paga ao gandeiro ao longo de todo o ano, e así compartir o valor xerado con eles sen esperar á revisión do prezo na data acordada de renovación de contratos", sinalan.

A compañía asegura que revisará á alza o prezo base dos seus contratos o próximo ano para cumprir coa Lei da cadea alimentaria.