O Boletín Oficial do Estado (BOE) publica este luns o anuncio de notificación dun expediente sancionador aberto pola Consellería de Economía, Emprego e Industria a Repsol por un incumprimento en materia de prevención de riscos laborais na refinería da Coruña. En concreto, refírese ao resultado dunha actuación de inspección de traballo.
Fontes do departamento autonómico, que evitaron concretar a contía da sanción, precisaron que a notificación da mesma publícase no BOE porque, inicialmente, houbo "un defecto de forma" na comunicación do expediente por correo certificado. Agora, os interesados dispoñen do prazo dun mes para interpor recurso de alzada, así como para comprobar o contido íntegro do expediente nas dependencias da Xefatura Territorial da Coruña.
A Xunta sanciona a Repsol por un fallo na prevención de riscos laborais
O incumprimento que orixinou a apertura do expediente tivo lugar na refinería da Coruña
