Os carburantes de automoción volveron abaratarse esta semana e acumulan un descenso de prezos no último mes do 4,06% no caso da gasolina e do 3,33% no do gasóleo, segundo os datos ofrecidos este xoves polo boletín petroleiro europeo.
De acordo a estes datos, a gasolina custa unha media de 1,135 euros o litro nas estacións de servizo españolas, un 0,79% menos que hai unha semana e un 0,53% menos que no principio do ano.
Pola súa banda, o gasóleo custa unha media de 1,015 euros por litro, un 1,17% menos que hai un mes pero un 0,89% máis que no principio do ano.
As últimas baixadas de prezo dos carburantes —a gasolina suma xa cinco semanas consecutivas de descenso e o diésel, catro— coinciden coa caída de cotización do cru nos mercados internacionais, onde o barril de Brent rolda actualmente os 43 dólares.
Esta nova caída do cru profunda nos afundimentos dos últimos dous anos, de maneira que os prezos da gasolina e o gasóleo se sitúan agora un 25,28% e un 29,56%, respectivamente, por baixo dos máximos históricos anotados en setembro de 2012.
A gasolina rexistra unha baixada do 4% no último mes e o gasóleo, un 3%
As últimas baixadas de prezo dos carburantes —suman xa cinco e catro semanas consecutivas de descenso, respectivamente— coinciden coa caída de cotización do cru nos mercados internacionais
