As autoridades de Holanda investigan ao banco holandés ING por branqueo de diñeiro e prácticas de corrupción vinculadas á aceptación de clientes, confirmaron este mércores a Efe fontes da entidade financeira.
"As investigacións están relacionadas con algúns prerrequisitos vinculados á aceptación dos clientes, a detección de transaccións e a notificación de actividades sospeitosas", indicou o portavoz de ING Raymond Vermeulen.
No seu informe anual, a entidade financeira precisa que están a cooperar coa investigación e engade que non se pode determinar aínda a súa duración, resultado final nin multas ou penalizacións, que poderían ser "significativas", segundo admite o propio banco.
ING desempeñaría un papel no pago de subornos polo xigante ruso de telefonía VimpelCom a un funcionario público uzbeco, segundo o diario económico holandés "Het Financieele Dagblad".
O banco infrinxiría as normas sobre branqueo de diñeiro e financiamento do terrorismo, segundo o mesmo medio.
Investigan a ING por un presunto branqueo de capitais e prácticas de corrupción
A entidade financeira precisa que está a cooperar coa investigación emprendida polas autoridades holandesas
