A conselleira do Mar, Rosa Quintana, destacou esta mañá que o mexillón supón máis do 95% da produción total da acuicultura de Galicia, o que reflicte o potencial que ten a mitilicultura nesta Comunidade.
Neste sentido, recordou que Galicia pechou o 2017 cos mellores datos de descargas e de facturación de mexillón da última década, con 267.000 toneladas desembarcadas en lonxa por valor de ao redor de 122 millóns de euros.
"Estas cifras supoñen un aumento dun 11% tanto en cantidade descargada como en valor económico con respecto ás do ano 2016", segundo asegurou.
A conselleira tamén recordou que o sector mexilloeiro ha recibido por parte da Xunta de Galicia nos últimos tres anos axudas por valor de máis de seis millóns de euros para o fomento da acuicultura.
Quintana tamén destacou o apoio da Xunta de Galicia para a construción de embarcacións que redunden nunha mellora da seguridade de loa profesionais do mar e condicións de traballo.
Unhas declaracións que realizou tras a visita que fixo á embarcación bateira Cani Calvar, atracada no peirao de San Adrián de Vilaboa.
Este buque, destacou a conselleira, "é un exemplo desa aposta polas melloras das condicións a bordo que sempre defendeu a Xunta e da súa aposta polo desenvolvemento do sector acuícola e a proba é que se seguen construíndo embarcacións como esta dedicada ao sector acuícola do mexillón".
