Máis aló das cadeas máis populares de Inditex, como Zara, Massimo Dutti, Bershka ou Stradivarius, o xigante da moda conta cunha rede de tendas menos coñecida que esconde detrás un forte compromiso coa integración social.
Trátase do formato for&from, con 15 establecementos en cidades e pobos españois nos que traballan persoas con algún tipo de discapacidade física, intelectual ou trastorno mental. Un deses puntos de venda está no corazón da localidade ourensá de strong <>Allariz e este xoves reabriu as súas portas tras unha reforma e ampliación.
Funcionan baixo o modelo de franquía de Inditex e están xestionados por entidades sen ánimo de lucro expertas en discapacidade, no caso da tenda de Allariz por Cogami. Inaugurada en 2007, ofrece pezas e artigos da colección de Massimo Dutti de tempadas anteriores a prezos reducidos. As renovadas instalacións incrementan a súa superficie ata os 400 metros cadrados tras incorporar a primeira planta do edificio.
Nos seus case dúas décadas de vida, o programa for&from ofreceu oportunidades laborais a 659 persoas e xerou máis de 7 millóns de beneficio para proxectos sociais das organizacións que xestionan as tendas.
A de Allariz dá emprego na actualidade a seis persoas. "Reincorporarme ao mundo laboral supuxo un cambio total na miña vida, repercutindo positivamente en todos vos aspectos", conta unha delas, Sara.
