viernes. 27.11.2020 |
El tiempo
viernes. 27.11.2020
El tiempo

Hijos de Rivera pide manter os Ertes por ser a hostalería un "motor económico"

Ignacio Rivera. ARQUIVO
Ignacio Rivera. ARQUIVO
"Tras un mal verán, afrontamos un inverno máis difícil que nunca", asegura Ignacio Rivera

O CEO da Corporación Hijos de Rivera, Ignacio Rivera, pediu este luns que se prorroguen os Ertes, xa que a hostalería "é motor fundamental" da economía e exerce "unha importante función de cohesión social". 

Así se manifestou o empresario, que secunda a demanda de Cervexeiros de España a favor da hostalería, fronte " crítica situación actual" do sector, e apoiou a caravana reivindicativa que terá lugar este martes en Madrid, organizada por Salvemos a Hostalería. 

"Tras un mal verán, afrontamos un inverno máis difícil que nunca e, como pouco, a hostalería poderá ver o final do túnel en Semana Santa 2021", subliñou Ignacio Rivera, quen aseverou que "é fundamental o mantemento dos Eretes". 

En declaracións remitidas aos medios de comunicación, o CEO da empresa matriz da firma cervexeira Estrella Galicia manifestou que a "riqueza incalculable" que proporciona a hostalería débese "soster, protexer e apoiar". 

"A nosa hostalería é motor fundamental da nosa economía e, non só por ser un xerador de emprego e riqueza, ou por ser un dinamizador clave do turismo e do sector produtivo do noso país, senón que desempeña unha importante función de cohesión social", sostivo. 

Neste sentido, Rivera explicou que este sector "forma parte indiscutible do que somos, da nosa forma de ser e de relacionarnos", sendo "unha identidade que se converte en valor fundamental da nosa oferta de país". 

Hijos de Rivera pide manter os Ertes por ser a hostalería un "motor...
comentarios