Unha empresa de software, primeira en España en implantar a xornada de catro días

O obxectivo é favorecer a conciliación familiar dos seus traballadores
Sede de Software DELSOL. EP
photo_camera Sede de Software DELSOL. EP

Unha empresa produtora de software informático converteuse en pioneira en España en implantar unha xornada laboral de catro días para favorecer a conciliación familiar dos seus traballadores.

Software DELSOL, situada na provincia de Xaén, conta cun persoal de 181 traballadores, que desde o pasado 2 de xaneiro adheríronse a este novo sistema sen que iso repercuta no seu salario.

A súa posta en marcha "custou traballo", segundo dixo a Efe Juan Antonio Mallenco, responsable de Comunicación e Relacións Institucionais da empresa, xa que non existían referentes en España.

Esta medida, explicou Mallenco, é "un paso máis" na política da empresa a favor dos traballadores, unha parte dos cales teñen un período laboral fixo de luns a xoves, mentres que o resto faino por rotación de forma que traballan os catro días, en xornadas de oito horas, sen que se vexa resentido o seu soldo.

Ademais, engadiu, o novo sistema non incidiu no rendemento da compañía que segue funcionando "ao mesmo ritmo de sempre".

Comentarios