Correos abriu este luns o prazo de inscrición na oferta pública de emprego anunciada en febreiro para cubrir 4.005 postos de persoal laboral fixo. Trátase do seu maior proceso de selección desde 2004 e as prazas están repartidas por todas as provincias. O groso das vacantes, unhas 2.818, destinaranse a carteiros, en tanto que outras 725 son para axentes de clasificación postal. Outras 662 son para atención ao cliente.
En Galicia ofértanse un total de 169 prazas. A provincia de Lugo suma 15 vacantes, 11 para labores de repartición e as outras catro de atención ao cliente. O prazo para presentar candidaturas para participar no proceso de selección esténdese ata o 10 de outubro.
O servizo público incorporou o pasado 1 de marzo a 2.295 novos efectivos fixos seleccionados na oferta de emprego e consolidación de postos eventuais resolta o ano pasado.
