A cooperativa lucense Tierra Llana entrará a formar parte do accionariado da firma taboadesa Lácteos Casa Macán, tal e como acordaron en asemblea os socios da cooperativa. Esta acción é o primeiro paso do novo proxecto que pon en marcha a industria quesera para impulsar o cooperativismo na comunidade autónoma, co que pretende conseguir que os propios gañadores entren de forma directa no proceso de industrialización e comercialización do seu propio produto.
Tierra Llana é unha cooperativa de gran tradición, que foi fundada en 1970 en Matodoso, Castro de Rei. Actualmente conta con 35 cooperativistas que teñen unha produción mensual de 650.000 litros de leite. Subministradora habitual de leite a Casa Macán, nos próximos meses pasará a destinar integramente a súa produción a este proxecto.
A empresa taboadesa inicia con Tierra Llana un novo modelo de negocio baseado no cooperativismo
O ingreso en Lácteos Casa Macán foi aprobado polos cooperativistas en asemblea durante a xornada de onte por unha ampla maioría e supón para esta cooperativa unha nova acción encamiñada a rendibilizar o seu produto e levalo directamente ata o consumidor final evitando intermediarios. "Con esta medida, a cooperativa busca sacar máis partido a súa produción e que o gandeiro poida estar presente nas distintas fases do proceso de transformación podendo polo no lineal de forma directa", explicaron desde Casa Macán.
A cooperativa de Matodoso atravesou varios problemas nos últimos anos. Primeiro formou parte do errado proxecto de Alimentos Lácteos e o pasado mes de abril os seus socios víronse inmersos nun conflito con Celta. A firma recollía parte da súa produción para nutrir unha planta de Meira pero na primavera anunciou a Tierra Llana que suspendía a recollida. levaron a cabo varias negociacións que liquidaron o problema temporalmente, pero ao final Tierra Llana optou por buscar outras alternativas máis seguras a longo prazo e estudar o proxecto de Casa Macán.
Para a quesera este acordo é un importante paso no seu proceso de achegamento ao cooperativismo galego, buscando tamén fortalecerse no sector lácteo.
CASA MACÁN. A firma taboadesa é un proxecto impulsado por Eladio Rigueira, iniciado no ano 1985 coa posta en marcha dunha quesería artesá para a elaboración do queixo con Denominación de Orixe Arzúa-Ulloa no municipio de Taboada.
Tras un rápido proceso de desenvolvemento durante a primeira década de 2000, alcanzou unha cota de mercado que rolda actualmente os tres millóns de quilos ao ano.
Tras ser o primeiro fabricante nacional de queixo sen lactosa obtido por medios físicos, continuou desde 2010 cun proceso de expansión que lle levou a diversificar a súa produción con novas especialidades como queixos crema e loncheados e a exportar a varios países suramericanos.
Este ano Casa Macán iniciou un novo proxecto baixo a administración de Roberto Casas, o ex xerente de Alimentos Lácteos. Casas explicou a semana pasada que a súa idea é crear un novo modelo de cooperativismo e parece que o acordo con Tierra Llana é o inicio deses plans.
