Miércoles. 21.11.2018 |
El tiempo
Miércoles. 21.11.2018
El tiempo

CC OO urxe un soldo mínimo galego de mil euros e avanza un proceso "non pacífico"

Ramón Sarmiento, de CC OO. AEP
Ramón Sarmiento, de CC OO. AEP

Solicita ao presidente da Xunta a "remodelación do seu Goberno", para que responda a unha "arquitectura distinta"

O secretario xeral de CC OO en Galicia, Ramón Sarmiento, reclamou este domingo un salario mínimo mensual de mil euros na comunidade e avanzou que se conseguirá tras un proceso que "probablemente" non será "do todo pacífico". Nunha entrevista na Radio Galega, solicitou ao presidente da Xunta, Alberto Núñez Feijóo, a "remodelación do seu Goberno", para que responda a unha "arquitectura distinta", ao considerar que o actual está lonxe das demandas da cidadanía.

Tamén a nivel estatal espera cambio de políticas debido a que entende que os cidadáns piden "cambio" e "rexeneración", con especial interese en materias como "as políticas públicas ou as pensións". Apelou, ademais, ao "consenso de mínimos" entre aqueles que teñen "máis en común", como son os sindicatos, para lograr avances, aínda que recoñece que o feito de que os empresarios non teñan unha cabeza visible tras os seus problemas internos supón un problema para a negociación.

"Galicia necesita, e os datos dino, máis que nunca, que os seus axentes económicos e sociais cheguen a acordos en problemas que temos desde hai moito tempo", opinou. Un dos obxectivos que se marca é lograr un salario mínimo de mil euros ao mes en todos os casos, para o que espera unha fronte sindical común.

"Probablemente sexa un proceso non do todo pacífico", avanzou ao comentar a importancia que poden ter as "mobilizacións", que deben ir acompañadas de toma "de conciencia da clase traballadora". 

CC OO urxe un soldo mínimo galego de mil euros e avanza un proceso...
Comentarios