A celebración do Black Friday xerará nas últimas semanas deste mes máis de 8.300 empregos en Galicia, unha cifra que suporá un 5,2% máis que en 2018, segundo as previsións de Adecco e da súa división de 'outsourcing' comercial Eurovendex. Deste xeito, a galega será a sexta comunidade na que máis crecen os postos de traballo xurdidos por mor desta campaña de descontos importada de Estados Unidos. En canto a datos de toda España, Adecco apunta que se crearán 201.631 contratos, un 7,5% máis que o ano pasado.
Así, na celebración do Black Friday asinaranse no Estado máis contratacións que na última campaña de rebaixas de xaneiro, que xerou 110.000 contratos. Aínda que os contratos asociados son de curta duración, moitas destas contratacións amplíanse a todo o período de contratación do Nadal e incluso ás rebaixas de inverno.
Como é habitual nestas datas, os sectores que máis emprego xerarán serán os vinculados ao gran consumo e a súa industria auxiliar (alta perfumería, cosmética, electrónica, telefonía, juguetería, imaxe, son, etc.); alimentación; distribución; retail; loxística; transporte e industria téxtil.
O perfil máis buscado na campaña do Black Friday será o de comercial (promotores, azafatas de imaxe, teleoperadores ou dependentes), aínda que tamén se precisarán caixeiros, reponedores, mozos de almacén e preparadores de pedidos, entre outros.
Por comunidades, Cataluña, con 38.900 contratos, Madrid (35.400) e Comunidade Valenciana (uns 27.000 contratos) liderarán a creación de emprego na campaña do Black Friday. Séguenlles Murcia e Andalucía, con máis de 23.800 e 18.500 contratos, respectivamente. Galicia sitúase na metade da táboa, concretamente na sexta posición, con 8.300 postos.
