O Consello de Administración de BBVA acordou o nomeamento de Carlos Torres Vila, actual conselleiro delegado, como presidente executivo a partir do 1 de xaneiro de 2019, en substitución de Francisco González.
Segundo informou a entidade nun comunicado, o Consello, a proposta da comisión de nomeamentos, aprobou por unanimidade o plan de sucesión do presidente e designou a Torres para "dar continuidade á estratexia de transformación do Grupo".
Torres, segundo o banco, contribuíu notablemente a acelerar o proceso de transformación da entidade, tanto desde o punto de vista interno como na relación cos clientes.