Nin operar nos caixeiros nin desde a aplicación móbil. Estas son as principais consecuencias dunha avaría que afecta a Abanca desde este martes pola mañá e que provocou as queixas de centos de usuarios.
No mesmo día en que a entidade presidida por Juan Carlos Escotet renunciaba á opa a Liberbank, os seus clientes atopáronse con este incómodo problema. Os servizos a distancia son os que sofren a incidencia, segundo confirmou Abanca, que recorda que os pagos con cartón en comercios si están operativos.
A entidade leva varias horas traballando en solucionar o problema. Non se descarta de que se trate dunha fuga de seguridade ou dun hackeo ao seu sistema.
En estos momentos nuestros servicios a distancia no están disponibles. Estamos trabajando para solucionar el problema. Lamentamos mucho las molestias.
— ABANCA (@SomosABANCA) 26 de febreiro de 2019
