Miércoles. 21.11.2018 |
El tiempo
Miércoles. 21.11.2018
El tiempo

A Audiencia Nacional procesa á antiga cúpula de Caixanova por un buraco de 80 millóns

Gorriarán, Gayoso, Pego e Rodríguez Estrada, durante o xuízo en 2015. AEP
Gorriarán, Gayoso, Pego e Rodríguez Estrada, durante o xuízo en 2015. AEP

O alto tribunal atribúelles presunta administración desleal e branqueo por un crédito concedido a Promalar

O xuíz da Audiencia Nacional José de la Mata decidiu procesar á excúpula de Caixanova, entre eles ao seu expresidente Xullo Fernández Gayoso, por administración desleal e branqueo na concesión dun préstamo a unha sociedade vinculada a antigos xestores que xerou un prexuízo de 80 millóns de euros.

Ademais de Fernández Gayoso, o maxistrado inclúe no procedemento aos exdirectores xerais Gregorio Gorriarán e José Luis Pego, así como ao director da oficina principal José Benito Parente e outros seis.

A Fiscalía sostén que no outono de 2005 Caixanova concedeu un crédito á sociedade Promalar, na que contaban con intereses o que fora presidente da entidade Guillermo Alonso e o conselleiro Fernando García del Valle, co obxectivo de axudar "a reflotala" dadas as súas "serias dificultades económicas".

Deste xeito, simuláronse contratos que ocultaban a verdadeira natureza e a finalidade das operacións de financiamento concedidas a Promalar, que recibiu un primeiro préstamo de Caixanova de 60 millóns de euros e posteriormente outros dous, un de 9,25 millóns e outro de 5 millóns de euros. 

A Audiencia Nacional procesa á antiga cúpula de Caixanova por un...
Comentarios