A Asociación de Empresarios Galegos en Madrid (Aegama) celebrou este xoves na Delegación da Xunta de Galicia en Madrid -a casa de Galicia- a súa Asemblea Xeral Ordinaria.
O presidente da asociación, Julio Lage, estivo acompañado na sesión do vicesecretario, Javier Saguar, o vicetesoureiro, Jesús Marón, e a vogal responsable de Comunicación e Redes Sociais, Isabel Noriega.
A Asemblea Xeral de Aegama coñeceu e ratificou a súa Memoria de Actividades de 2017, aprobou as contas anuais e a xestión da Xunta Directiva durante ese mesmo período, coñeceu e ratificou o Plan de Actuación para o exercicio 2018 e aprobou o orzamento para o mesmo.