Tras anos de negociacións, as institucións da Unión Europea —Comisión, Consello e Parlamento—alcanzaron o venres un principio de acordo para pechar a nova política agraria común (PAC) que comezará a aplicarse en xaneiro de 2023. á espera de ver se a próxima semana os Estados membros dan ou non o seu visto e prace ao marco pactado para que cada país conclúa o plan estratéxico que trasladará os novos postulados ao ámbito nacional, xa se coñecen as principais claves.
Unha delas é que cada Estado deberá reservar o 25% das axudas directas a dar apoios adicionais aos gandeiros e agricultores que impulsen, de forma voluntaria, prácticas en prol da sustentabilidade. É a proporción dos fondos que finalmente terán que destinar aos chamados ecoesquemas, un menú de actuacións para protexer o medio ambiente que cada país se encarga de definir e entre as que poderán elixir os produtores para cobrar máis.
Con todo, o acordo contempla que durante os dous primeiros anos de aplicación da nova PAC pódese destinar a ese concepto o 20% das axudas directas para adaptarse ao novo escenario sen que quede diñeiro sen consumir.
O principio de acordo coñecido este venres tamén marca como novidade na futura PAC a obrigación de que os estados asignen unha axuda redistributiva de polo menos o 10% dos pagos directos para apoiar ás explotacións máis pequenas, cun peso moi importante en Galicia.
O obxectivo da medida é que as subvencións estean mellor repartidas. Para iso, os Estados membros poderán crear un pago extraordinario ou optar por reducir progresivamente as axudas a partir dos 60.000 euros por explotación e fixar un tope de 100.000 euros. Bruxelas expuxera que esta segunda opción fose obrigatoria, pero a idea contou coa oposición dos gobernos europeos. Defensor de impor un teito ás axudas, o sindicato Upa incide en que en España é "máis que necesario" recoñecen, para acabar cos grandes perceptores terratenientes e brindar máis posibilidades á agricultura e gandería familiar.
O novo marco tamén establece un nivel mínimo obrigatorio de apoio aos novos agricultores do 3% do orzamento de cada país, para agricultores e gandeiros menores de 40 anos.
En canto aos plans estratéxicos nacionais, os Estados teñen ata
