O Pontevedra regresa cun punto do Vao logo dun derbi cheo de alternativas contra o Coruxo que acabou 2-2 baixo unha intensa choiva.
Os de Luisito adiantáronse grazas a un gol de David Añón no minuto 34 pero os locais empataron xusto antes do descanso por mediación de Iosu Villar. Na segunda parte o Coruxo logrou porse por diante cun remate desde o chan de Quique Cubas, pero os granates reaccionaron rápido para establecer o definitivo 2-2 grazas a un gran remate de Mario Barco, que suma o seu oitavo gol da tempada.
Nos últimos dez minutos ambos os equipos quedaron con dez xogadores, tras as expulsións de Capi e Pibe, pero o marcador xa non se moveu. Coruxo e Pontevedra mantéñense na zona alta da táboa. Os de Luisito seguen en postos de promoción, con 30 puntos, e os vigueses teñen 24.
<<LEA A CRÓNICA COMPLETA ESTE DOMINGO NA EDICIÓN EN PAPEL DE DIARIO DE PONTEVEDRA>>