O Lugo anuncia a renovación de Xavi Torres e Canella

Tras as renovacións da Pita e Seoane, o CD Lugo ampliou o contrato doutros dous veteranos do equipo: Xavi Torres e Roberto Canella.

"Xavi Torres chegaba ao club a pasada campaña, tras desenvolver un longo percorrido ao máis alto nivel en clubs como FC Barcelona, Real Betis, Levante UD ou Xetafe CF, entre outros. O de Xábia sumaba un total de 31 partidos co equipo amurallado, converténdose nun dos xogadores máis utilizados no centro do campo albivermello, con 2170 minutos disputados", indicaba o Lugo nun comunicado.

Canella, pola súa banda, afrontará a súa terceira tempada no cadro galego, ao que chegou en 2019 procedente do Sporting de Xixón. A campaña pasada disputou 25 partidos e o Lugo destaca del o seu "oficio, experiencia e eficacia" desde o lateral esquerdo. 

Estes acordos chegan o mesmo día no que o presidente, Tino Saqués, deu unha rolda de prensa para repasar a actualidade o equipo. Nela anunciou que o Lugo fará oito ou nove fichaxes que interesa a renovación de Edu Campabadal.

Tamén informou de que a pretemporada será en Pol e de que as dúas últimas tempadas arroxaron un déficit de 2,5 millóns as arcas do club.