O Viveiro CF respondeu de inmediato á lesión de Jacob, que estará os próximos meses apartados do fútbol, asegurándose unha substitución no posto de mediocentro coa chegada de Javi Rey, un xogador que ademais xa coñece a casa celeste logo de militar durante un tramo da tempada 2015-16.
A pesar de contar con só 26 anos, o centrocampista nacido en Lugo dispón dunha ampla experiencia en Terceira División, con cinco tempadas nesta categoría e outras tres en Preferente desde a súa saída do equipo xuvenil do CD Lugo, na División de Honra.
Jacob lesionouse (rotura de menisco) no partido do domingo ante o Somozas e será sometido a unha resonancia o vindeiro luns que revelará o alcance do seu problema no xeonllo.
Amigable ante o As Pontes
O Viveiro cambia de plans respecto ao fin de semana tras quedar suspendido o triangular que debía disputar en Cantarrana coas filiais do Celta B e o Oviedo B. As diferenzas no protocolo entre Galicia e Asturias motivan que o Oviedo B non poida xogar finalmente este torneo amigable e finalmente o cadro celeste medirase co As Pontes o sábado (12.00, Cantarrana), equipo co que coincidirá en Terceira División e tamén no subgrupo Norte da categoría.
