O Viveiro aséntase no liderado tras exhibir a súa pegada en Foz, onde gañou por 1-5 no derbi mariñán. A clave do partido estivo nos quince primeiros minutos, con ambos os equipos disputando un partido aberto e con chegadas. A diferenza estivo na eficacia visitante. Os vivarienses marcaron na súa primeira aproximación, tras un centro de Álex Pérez que cabeceou á rede Gerardo.
O Foz non tivo a sorte do seu lado. Manuel mandou ao pau un disparo desde o frontal e na contra posterior Gerardo asistiu a Álex Meitín, que fixo o 0-2. O partido perdeu verticalidade a partir deste gol, aínda que Gerardo, cun cabezazo que rozou a escuadra, e Álex Meitín, cun tiro que golpeou nun defensa e se envenenou, puideron ampliar diferenzas.
Xaime sentenciou o partido ao comezo da segunda metade, ao colocar na escuadra unha falta directa. Gonzalo reduciu distancias para o Foz, ao rematar un córner libre de marca. Xaime logrou o cuarto gol visitante ao transformar un penalti cometido polo meta local, que arroiou un rival na súa saída. Álex Meitín pechou a conta cunha diana no desconto.
SARRIANA. A Sarriana viu freada a súa boa marcha cunha derrota por 1-2 ante o Mugardos, que se sitúa segundo na táboa, a tres puntos dos vivarienses. Os locais adiantáronse por medio de Mauro, pasada a media hora de xogo, pero os visitantes déronlle a volta ao marcador con dous goles de Iago nos minutos 83 e 85.
Foi unha derrota cruel, xa que a Sarriana gozou dúas claras ocasións para aumentar a súa vantaxe na primeira metade por medio de Keko e Mauro. Os locais insistiron no seu dominio na segunda, cando Hugo Buide non conseguiu marcar nun remate. A desgraza cebouse cos sarriáns en dúas accións illadas, que aproveitou Iago para darlle a volta ao marcador. O 1-1 produciuse tras un erro da zaga local e o 1-2 chegou cun disparo desde fóra da área. Faltaban cinco minutos para o final e o equipo de Dani Fernández xa non tivo tempo de reaccionar.
LEMOS. O Lemos reencontrouse co triunfo logo de seis xornadas. O 2-0 ante o San Tirso é unha inxección de moral para os monfortinos na súa loita por saír da zona baixa da táboa. Os lemistas recibiron un merecido premio ao seu bo fútbol. Saíron con impetu e marcaron un gol aos dous minutos, anulado por fóra de xogo. O equipo de Edu controlou ben a un rival físico, que apostou polo xogo directo. Os tantos locais chegaron na segunda metade, obra de Castañer e Armesto.
RESIDENCIA. O Residencia e o Puebla igualaron sen goles na Cheda nun choque equilibrado, con dous equipos moi ben armados en defensa e que apenas concederon opcións de gol. Lucas e Dani Galán dispuxeron das mellores oportunidades do Residencia. O meta local, Dani, realizou unha parada providencial na segunda metade para evitar un gol cantado. O empate ante un dos fanfurriñeiros da categoría reforza a traxectoria do equipo lucense, que suma dúas vitorias e dúas igualadas nas últimas catro xornadas.
RIBADEO. O Ribadeo enlazou a súa segunda vitoria seguida e escala posicións tras a súa exhibición goleadora no campo dos Montañeros. Os coruñeses adiantáronse por medio de Cubas, pero Poratti e Aitor, por partida dobre, colocaron o 1-3 no marcador. Varela reduciu distancia e Hermida sentenciou para o Ribadeo cando expiraba o partido.
Información feita en colaboración con Miguel Albo e a ADG.
5 Viveiro: Cedrón, Agus, Álex Pérez, Prieto, Uriol (Roi, m.69), Xaime (Blanco, m.83), Iván Rodríguez, Marino, Vicente (Rolle, m.87), Álex Meitín y Gerardo (Arturo, m.69).
Goles: 0-1, m.8: Gerardo. 0-2, m.14: Álex Meitín. 0-3, m.55: Xaime. 1-3, m.57: Gonzalo. 1-4, m.85: Xaime. 1-5, m.92: Álex Meitín.
Árbitro: Ordóñez Rodríguez (A Coruña). Expulsó a Marino (m.73). Amonestó Bouso, Jesús Pablo, Canario, Álex Paz, Asier y Jesús Gayol (técnico); Cedrón, Álex Pérez, Prieto y Vicente.
2 Mugardos: Dani Moreno, Coro (Bruno, m.77), Jorge García, Adrián, Álex López, Blanco (Javi Rey, m.60), Moi, Naya, Artai, Toni (Abel, m.81) y David Amado (Iago, m.37).
Goles: 1-0, m.31: Mauro. 1-1, m.83: Iago. 1-2, m.85: Iago.
Árbitro: Alexandre Represas (A Coruña). Amonestó a Josito, Héctor, Keko y Samuel; Javi Rey, Adrián, Abel y Moi.
0 San Tirso: Lameiro, Bazariza, Miguel Dias, César, Guille, Asty, Álvaro, Maquez (Navia, m.62), Dani Xelo (Álex Carballo, m.62), Loure (Ramos, m.73) y Óscar Varela.
Goles: 1-0, m.47: Castañer. 2-0, m.63. Armesto.
Árbitro: A. Veríssimo (Vigo). Amonestó a Torres y Adrián Ramos, del Lemos, y a Loure, Óscar Varela y Ramos.
0 Puebla: Juan, Bermo, Lugo, Pablo, Benogo, Adrián, Pereira, Falcón (Piñeiro, m.71), Madiop (Manuel, m.84), Calo (Rafael, m.71), Aguado y Álex (García, m.71).
Árbitro: Adrián Estévez (Ourense). Amonestó a Sito, Esteban y Sergio, del Residencia.
4 Ribadeo: Hugo, Mario, Gara, Brais (Traba, m.,74), Santi, Luki (Hermida, m.70), Poratti, Carlos, Criss (Erni, m77), Aitor (Kevin, m.65) y Adrián Vizoso.
Goles: 1-0, m.6: Cubas. 1-1, m.27: Poratti. 1-2, m.60: Aiotor. 1-3, m.64: Aitor. 2-3, m.83: Varela. 2-4, m.90: Hermida.
Árbitro: César Montes (Santiago). Amonesto a los locales Gagino, Criado y Segade y al visitante Cris.