O Vista Alegre está este venres do trinque co primeiro encontro da pretemporada do renovado proxecto do Peixes Rubén Burela FS. ás 20.30 horas xoga o equipo que militará en Segunda División, tras o descenso de categoría, ante un Xove FS que tamén debuta na pretemporada para preparar o seu campionato de Terceira División.
Aínda que boa parte da atención estará centrada en Edu, que será homenaxeado antes do encontro, os alicientes para o encontro desta noite son múltiples, xa que os afeccionados que acudan á Vista Alegre terán a oportunidade de ver as novidades que presentan ambos os equipos e as primeiras pinceladas do que queren facer os novos técnicos, David Rial nos Peixes Rubén Burela FS e Lucas, no Xove FS.
No Peixes Rubén debutarán coa élástica burelense dúas das tres fichaxes confirmados polo momento. Pablo Miras e Arnejo terán os seus primeiros minutos para demostrar parte do que poden ofrecer, mentres que Eloy de Pablos estará ausente debido á súa convocatoria coa selección sub-19.
Tamén podería debutar co primeiro equipo burelense o xuvenil Hugo, que foi elixido para realizar a pretemporada con só 16 anos, mentres que Renatinho tamén é outra das novidades, tras regresar da súa cesión no Parrulo Ferrol.
Tamén o Xove FS presenta algunha cara nova ademais de Edu. Trátase da á Xoia, que cambia Barreiros por Xove logo de varias tempadas no Praias. Ademais, pisará o pavillón Vista Alegre como visitante o técnico Lucas, que a pasada tempada foi o adestrador principal do Peixes Rubén FSF durante boa parte da tempada, sendo relevando por Julio Delgado no tramo final.
David Rial mostrouse satisfeito do traballo que vén facendo o equipo desde que empezou a pretemporada e animou á afección a achegarse á Vista Alegre. "Respírase ilusión, estamos nunha tempada de cambio xeracional con xogadores novos que chegan para refrescar a unha columna vertebral que segue de moito nivel. Espéranos un ano bonito logo da pandemia e o descenso, queremos que a xente vexa algo identificable e pedímoslle que veña á Vista Alegre porque imos intentar facerlles gozar"
"TODOS Os PARTIDOS EN CASA FORON ESPECIAIS". Edu recoñeceu hai algúns días tras confirmarse a súa marcha dos Peixes Rubén que a súa maior tristeza estriba en despedirse da xente da Vista Alegre. "Para min todos os partidos que xoguei en casa durante todos estes anos foron especiais. Non quero decantarme por ningún en concreto", manifestou.
ESTREO EN XOVE. O meta naronés ha fichado esta tempada polo Xove FS, onde espera pór un brillante colofón á súa carreira intentando contribuír desde a portería ao ascenso a Segunda División B esta mesma tempada.