Varo reincorpórase ao grupo tras mes e medio de baixa

O gardameta do CD Lugo Alberto Varo reincorporouse ao grupo no adestramento deste domingo logo de mes e medio.

O gardameta está de baixa por unha torsión do nocello esquerdo desde finais de novembro, xusto antes do derbi galego co Deportivo no Anxo Carro.

Varo, que afronta a súa segunda tempada no Lugo, empezou o curso como titular, pero perdeu ese posto co anterior adestrador do equipo, Eloy Jiménez, logo de caer 1-4 co Tenerife.

Xa como suplente de Ander Canteiro, o gardameta branquivermello lesionouse no último adestramento de novembro.