Lunes. 19.11.2018 |
El tiempo
Lunes. 19.11.2018
El tiempo

Unha liña que responde

Iriome no partido contra o Oviedo. SEBAS SENANDE
Iriome no partido contra o Oviedo. SEBAS SENANDE

A irrupción goleadora dos centrocampistas avanzados permitiu ao Lugo sumar catro goles que valeron outros tantos puntos en Liga. O seu traballo é clave para Javi López

A segunda liña responde con goles á confianza do técnico, Javi López. Os futbolistas que forman por detrás do dianteiro non só impulsan o xogo ofensivo branquivermello, senón que se converteron nos finalizadores do equipo para comezar a puntuar en Segunda División. Tras o primeiro tanto na liga de Cristian Herrera, en Granada e ante o Numancia foron os centrocampistas avanzados os que perforaron as metas dos rivais lucenses.

Carlos Lazo, Iriome, Campillo e Aburjania comandan a eficacia do Lugo chegando desde atrás. Os dous primeiros teñen un punto en común, o do lateral ucraíno Vasyl Kravets. O carrilero soubo ler perfectamente as incorporacións pola dereita de Lazo e Iriome para meter senllos centros perfectos que converteron o andaluz e o canario.

Campillo fíxoo tras un bo pase de Pita desde a esquerda, mentres que Aburjania estivo atento a incorporarse á área e aproveitar un rexeite nunha contra.

"Os dianteiros son aos que se lle esixe que metan os goles, pero para un equipo, que poida achegar a xente do centro do campo, iso ao final de tempada dáche puntos. Iso está ben", asegurou o centrocampista do Lugo Iriome González.

Esta efectividade supón a plasmación dun modelo que favorece as chegadas de futbolistas de segunda liña, xa que as dúas puntas permiten a creación de espazos cerca da área. O traballo de Jona, Cristian Herrera ou Escriche, xunto coas constantes caídas cara a dentro de Iriome e Campillo achegan á fronte de ataque branquivermello múltiples posibilidades de remate a porta.

Unha liña que responde
Comentarios