O Outeiro de Rei Challenger viviu este martes a súa presentación en sociedade cun acto ao que acudiron o xefe de deportes da Xunta de Galicia en Lugo, Manuel Cadramón; a concelleira de deportes do Concello de Outeiro de Rei, Pilar Méndez; o director do circuíto Challenger, Juan Méndez; o xerente do Centro Deportivo D10, Leo Real Guerreiro; e o xogador galego de pádel Martín Sánchez Piñeiro.
A presentación tivo lugar na pista central do centro deportivo D10, que será tamén o centro neurálxico da competición. O torneo xa viviu os seus primeiros partidos o pasado domingo e agora está inmerso en duelos da fase previa.
O responsable de deportes da Xunta de Galicia en Lugo, Manuel Cadramón, foi claro ao valorar a motivación para a disputa desta competición en Lugo. "Decidimos apostar por esta competición porque tiñamos a garantía de que iamos ter moitos deportistas e moitos deles galegos. Para nós é moi beneficiosos porque imos ver a grandes xogadores pasar polo D10", manifestou.
A proba reunirá a destacados xogadores, que competirán ata o
Mentres, o director do circuíto Challenger, Juan Méndez, anticipou que esta competición "é un evento especial, porque é o primeiro Challenger da tempada. Os afeccionados vanse a atopar a xogadores de moi alta calidade e hai que gozalo".
Un dos participantes no mesmo, Martín Sánchez Piñeiro, mostrouse entusiasmado con esta cita na provincia de Lugo. "É un torneo moi importante para nós, as expectativas son altas e os partidos moi competidos, pero xogar en casa e no D10 é unha experiencia moi boa para nós", dixo.
A concelleira de deportes do Concello de Outeiro de Rei, Pilar Méndez, considerou que é "unha proba moi interesante e para este Concello, invitar a todos os veciños e afeccionados a que acoden e gozar dunha cita xa consolidada".
En definitiva, unha presentación na que se destacou a excelente oportunidade de gozar dalgúns deportistas que chegaron a competir máis adiante en torneo máster ou open e nun escenario que xa tivo protagonismo o ano pasado coa disputa dunha proba do World Padel Tour, Nesta ocasión será un torneo challenger para gozar da evolución de xogadores que levan unha carreira prometedora.
